fbpx

شنو الفرق بين الويب و الإنترنيت ؟

كل نهار كنسمعو مصطلح الويب و الإنترنيت ، والعديد منا كيعتقد أنهم كيعنيو نفس الشيء. لكن فالواقع أنه كاين فرق كبير بين هاد جوج مصطلحات.

الويب أو ما يسمى بالشبكة العنكبوتية World Wide Web هو وسيلة من التواصل وتبادل المعلومات اللي كتربط بين الصفحات أو المستندات اللي كتعتمد على بروتوكول ” HTTPHyperText Transfer Protocol. مثلاً إلا لاحظنا رابط موقع فيسبوك فالمتصفح غانلقاوه على هاد الشكل http://www.facebook.com/ بمعنى آخر أن الويب كيعتمد فالعمل ديالو على رابط الموقع URL، المتصفح، لغة HTML وبروتوكول HTTPللإشارة فالويب ظهر فأوائل التسعينيات على يد عالم الحاسوب Tim Berners-Lee.

أما الإنترنت فظهر قبل الويب فالستينيات واللي هو عبارة عن مجموعة من الشبكات المحلية والإقليمية والدولية اللي مرتبطة بيناتها واللي كتواصل عن طريق ما يسمى بالـ IPInternet Protocol “. بالإضافة إلى ذلك فالإنترنيت كيوفر لينا مجموعة من الخدمات اللي نقدرو نتواصلو ونتبادلو المعلومات عن طريقها واللي من بينها الويب Web اللي دكرناه لفوق.

وهناك خدمات أخرى مثل :

– خدمة مشاركة الملفات (PDF, MP4, PPT…) (مثلاً ملي كتأبلودي شي ملف لـ Google Drive) عن طريق بروتوكول الـ File Transfer Protocol.

– خدمة الاتصال عن طريق الإنترنيت (مثلاً ملي كتعيط لشي واحد فواتساب) عن طريق بروتوكول الـ Voice over Internet Protocol. 

– خدمة إرسال الرسائل البريدية (الإيميل e-mail) عن طريق بروتوكول Simple Mail Transfer Protocol.

باختصار فالإنترنيت هو المحرك الأساسي اللي كيحتوي على مجموعة من الخدمات اللي كنتواصلو عن طريقها مثل الويب.

Une simple personne qui aime parcourir le monde binaire.