fbpx

علا شمن مواضيع قلبوا المغاربة فشهر يناير ؟

1- Nouvel an

2019، بداية العام الجديد، طبعا كاملين بغينا نتمناو للأصدقاء والأقارب سنة سعيدة ولكن الغالب الله وتقول واش عندنا نقطة ديال الإبداع.

2- Dizzy dross

يناير و الكلاشاات،  ما بقاش اللي مقلبش على Dizzy dross باش يعرف أكثر على سبب بداية الفيديوهات مابين جماعة الراب (rappeurs) المغاربة. إذا كنتي باقي معارف والو على هاد البلان، تحية نضالية!

3- Massar

العطلة أهم ما كان فهاد الشهر ولكن قبل منها خرجوا النتائج، الصفحة ديال متمدرس  كانت فأول القائمة، كلشي باغي يشوف النقط،  بغيت غيرنقوليكم ان هاد الأمر أدى للعديد من الإصابات و لكن الحمد لله مكينش وفيات.

4- La vignette

فالأيام الأخيرة من الشهر،و لأن المغاربة شعب الدقيقة 90  كلشي ولى تيقلب على ل vignette و كيفاش يخلصها أونلاين. الديجيتال ا عمو ! مشينا بعيد..

5- Ifrane

طبعا افران من أكتر الحوايج اللي قلبوا عليها المغاربة فهاد الشهر، البرد فالمغرب = إفرااان و خاصة  أحوال الطقس فإفران ، الناس كانت كتقلب على  شنو تدير فالباليزة و نتوما اللي بقيتو غير فالدار بحالي من الثلاجة للبيت ذهابا و إيابا : لينا الله.

Amina Mansour

Amina TAREK MANSOUR, rédactrice anglophone passionnée par le voyage et le marketing digital.