إلى كنتي متبع شوية الأخبار الأمريكية لابد متكون سمعتي على منطقة 51 ولا area 51 بالإنجليزية.
بعيدة بتقريبا 160 كيلوميتر شمال Las Vegas، الarea 51 منطقة جات فوسط صحراء Nevada أو المساحة ديالها كثر من 155 كيلومتر مربع. هي مشددة الحراسة من طرف الجيش الأمريكي، وميمكن لتواحد معندوش تصريح يدخل ليها.
الخطاب الرسمي كيقول أنها قاعدة عسكرية لإختبار الأسلحة أو الطائرات المقاتلة، في حين بزاف ديال الناس كيقولوا أنها مسكن ديال فضائيين. هاد الكلام كيتداول بين الناس من التسعينيات أو حتى دبا على صفحات Facebook بحيث أنه الدار حدث على فايسبوك من أجل غزو المنطقة 51 باش يعرفوا شنو بالضبط فيها ! أو بالفعل كثر من مليون شخص ستجبوا وبينوا على الرغبة ديالهم فالمشاركة نهار 20 شتنبر بضبط مع 03:00 ديال صباح من هاد العام. آه أو قالك إلى جراو بحال Naruto ميقدروش يقيصوهم بالقرطاص 
.
