fbpx

Salwa Taleb

Gmail permet enfin de programmer l’envoi d’un email

Pour fêter ses 15 ans. Google ajoute de nouvelles fonctionnalités à sa messagerie Gmail. Planifier l’envoi des messages Lancée en 2004, Gmail n’offrait malheureusement pas cette option à ses utilisateurs. En effet, planifier l’envoi des messages ne pouvait se faire que grâce à des extensions ou applications tierces.Avec une flèche à côté du bouton « Envoyer » dans la fenêtre de rédaction, cette fonctionnalité va permettre de programmer la date et l’heure de l’envoi d’un e-mail, aussi bien sur desktop que sur mobile. Amélioration de l’écriture intelligente de Gmail Lancée en mai 2018, la fonctionnalité Smart Compose se déclenche automatiquement à l’écriture d’un message et suggère de compléter en temps réel les e-mails.À travers cette mise à jour, Google affirme avoir intégré la Smart Compose à son application mobile. Ainsi, des suggestions adaptées au style de l’utilisateur, se basant sur sa façon d’écrire et sur son historique de messagerie seront proposées.La fonctionnalité Smart Compose intégrera également quatre nouvelles langues : Espagnol, Français, Italien et Portugais.

فيسبوك كيرفع دعوى قضائية ضد مطورين أوكرانيين

رفعت Facebook في شمال كاليفورنيا الجمعة الماضية دعوى قضائية ضد زوج ديال المطورين الأوكرانيين بسبب انتهاكات لسياسة الخصوصية وتهمة احتيال . هاد عملية الإحتيال تم اكتشافها في أكتوبر 2018 من طرف فيسبوك، بحيث لقات أن هاد زوج ديال المتسلليين استعملوا اختبارات و مسابقات ترفيهية للوصول إلى البيانات و المعلومات الخاصة ديال مستخدمي Facebook و أيضا قوائم أصدقائهم ثم استهدافهم بإعلانات وصفاتها فيسبوك بأنها “غير مصرح بها”. المطورين استغلوا ميزة فيسبوك اللي كتسمح بربط الحساب بهاد الألعاب و قدروا يستهدفوا بزاف د الحسابات بألعاب فحال ” هل لديك دماء ملكية؟ ” أو ” أي زهرة أنت؟ “.

أقوى 5 نساء في مجال التكنولوجيا

بمناسبة اليوم العالمي للمرأة، يشرفنا نقدمو ليكم أقوى 5 نساء متألقات  فمجال الديجيتال : شيريل ساندبرج - مديرة العمليات - فيسبوك من بعد ما كانت رئيسة موظفي وزير الخزانة الأمريكي و أيضا نائبة رئيس المبيعات والعمليات العالمية عبر الإنترنت في Google. في يونيو 2012، كانت شيريل ساندبرج أول امرأة كتخدم في مجلس إدارة Facebook. ألفت شيريل كتاب Lean In : النساء ، والعمل ، والرغبة في القيادة بحيث تصدرت قوائم الكتب الأكثر مبيعًا وباعت أكثر من مليون نسخة،الكتاب ناقشات فيه مواضيع مثل الفيمينيزم ، التمييز على أساس الجنس في مكان العمل ، والحواجز الاجتماعية / الشخصية اللي كتعرقل تحقيق المساواة بين الجنسين في العالم المهني. وفي الوقت الحالي ، تقدر التقارير صافي قيمة ثروة Sandberg بأكثر من 1 مليار دولار أمريكي. سوزان وجسيكي - الرئيس التنفيذي - يوتيوب بالرغم من أنها كانت كتخطط لمتابعة شهادة الدكتوراه في الاقتصاد و العمل في المجال الأكاديمي غيرت سوزان المسار ديالها عندما اهتمت بمجال التكنولوجيا. في عام 1999، انضمت سوزان وجسيكي إلى Google كأول مديرة تسويق ثم نائبة الرئيس الأعلى للإعلانات والتجارة . بعد الإشراف على Google Video لبعض الوقت، كانت سوزان هي اللي  اقترحت أن غوغل تشري Youtube (التي كانت ذاك الوقت شركة صغيرة ناشئة). في فبراير 2014  تم تعيين سوزان مديراً تنفيذياً في YouTube. لدى سوزان خمسة أطفال و غالبًا كتهضر عن أهمية الموازنة بين الحياة الأسرية والحياة المهنية، هادشي لي خلاها تكون بين  أكثر 100 شخصية مؤثرة في مجلة Time Magazine في عام 2015. جيني رومتي - الرئيس التنفيذي - آي بي إم جيني هي  أول امرأة تترأس شركة آي بي إم . منذ عام 1991، شغلت العديد من الأدوار المهمة في الشركة وتم تعيينها رئيسًا تنفيذيًا في أكتوبر 2011. لمدة عشر سنوات متتالية ، ظهرت في مجلة Fortune “أقوى 50 امرأة في مجال الأعمال” ، حيث احتلت المركز الأول في القائمة في 2012 و 2013 و 2014. مجلة Forbes لقبتها بأنها واحدة من “أقوى 100 شخص في العالم” في 2014. صفرا كاتز - الرئيس التنفيذي - أوراكل تعمل Safra مع Oracle Corporation منذ أبريل 1999. في أكتوبر 2001، انضمت إلى مجلس إدارة الشركة و عملت أيضًا كمديرة المالي لتصبح  في سبتمبر من عام 2014، المدير التنفيذي المشارك، جنبا إلى جنب مع مارك هيرد. أورسولا بيرنز - الرئيس التنفيذي - فيون في يوليو 2009 ، أصبحت بيرنز أول رئيسة تنفيذية أميركية من أصل أفريقي تترأس إحدى أكبر500 شركة. عملت في شركة زيروكس منذ عام 1980، حيث بدأت كمتدربة وتسلّقت صفوفها خلال العقود الثلاثة الموالية. عيد سعيد لجميع نساء العالم دمتن متألقات و رائدات !

واش عمرك فكرتي فأنترنيت حلال ؟

واحد الشركة ناشئة (startup) ماليزية  فاجأت العالم هاد الأيام بفكرة  جديدة ومميزة : تصميم وتحسين أول متصفح على مستوى العالم معتمد من قبل الشريعة الإسلامية، مع أخذ في عين الإعتبار حياة المسلمين، واللي سماتو “سلام ويب”SalamWeb . بالنسبة للشركة العالم دابا فيه ما يقارب 1.8 مليار مسلم وبزاف منهم كيحلموا بتصفح الويب بطريقة سليمة هادشي علاش غادي توفر ليهم مجموعة من les filtres  لتصفية المحتوى غير المناسب ليهم، خاصة فهاد الوقت اللي كلشي متخوف بشأن الخصوصية ،الأخبار والمعاملات المزيفة على الإنترنت. كيعتمد “سلام ويب” على تعاون مستخدمي  التطبيق، بحيث أنهم كيقدروا ينتقيو المحتوى ويحددوا صفحات الويب على أنها ملائمة أو غير ملائمة، وبالتالي كتحذر المستخدمين ملي  كيقربوا من المواقع اللي فيها المقامرة أو المواقع الإباحية، أيضا التطبيق كيوفر خدمات خاصة بالمسلمين، مثل محادثات ، أخبار،أوقات الصلاة ، اتجاه القبلة… الشركة كتراهن على أن هاد المنتوج غادي يحظى باهتمام إسلامي و عربي واخا كتوقع أن أغلبية المستخدمين غاديين يكونوا من ماليزيا وإندونيسيا بشكل رئيسي ، “سلام ويب” عندها طموح للعالمية بحيث صرحت أنه واخا الموقع يستهدف المسلمين، يمكن  يستخدمو أي شخص غير مسلم كبديل فهاد العالم الرقمي خصوصا مع المميزات الي كيقدمها. بالرغم من أن هيئة الرقابة الشرعية المستقلة “أماني” صادقات على هاد  المتصفح، واللي كيمنع قانونها الأساسي الأنشطة اللي تعتبر غير أخلاقية، مثل المقامرة، المنتجات المالية الربوية والأعمال المتعلقة بالكحول و لحم الخنزير. بزاف د الناس كيتساءلوا حول احتمالية نجاح هاد المشروع فالعالم العربي وحتى خارج العالم الإسلامي من ناحية مصداقيتو ووعود الخصوصية لي كيقدم خصوصا أنه غادي يكون فمنافسة المتصفحات الأخرى، مثل “غوغل كروم “.

شنو هو المصير ديال أمازون من بعد الطلاق ؟

خبر الطلاق خداتو وول ستريت بجدية، بحيث أن المستثمرين كيترقبوا لمعرفة ما إذا كانت تسوية الطلاق غادي  تأثر على سيطرة بيزوس على أمازون. "بعد فترة طويلة من الاستكشاف المحب والمنفصل عن التجربة، قررنا الطلاق ومواصلة حياتنا المشتركة كأصدقاء" السيدة بيزوس ، الي لعبت دور أساسي في المساعدة على إطلاق أمازون ، كانت حاضرة منذ كتابة خطة العمل، من أيام الكاراج ومستودع خزانة الطابق السفلي  وبالتالي يقدر يكون عندها الحق في الحصول على نصف ثروة : بحيث يمكن ليها التأثير على تصويت المساهمين على القرارات والضغط من أجل إجراء تغييرات في الشركة  و لكن بالتأكيد مغادياش تاخد مقعد في مجلس الإدارة أو تتحكم في الشركة, بل مجرد مساهم عادي، كبير ، لكن من فئة واحدة. كما أن Bezos مغاديش يفقد السيطرة على الشركة بالكامل : هو مساهم كبير و كيبقا المؤسس و الرئيس التنفيذي، بحيث أن السيطرة ديالو مضمونة بثقة المساهمين. يمكن لهاد الطلاق يعاود ترتيب الثروة العالمية إذا الزوجان قسموا الثروة ديالهم  (137 مليار دولار) بشكل متساو، وفقا لمؤشر بلومبيرج الملياردير ، وهو ترتيب لأغنى 500 شخص في العالم يمكن أن ماكنزي (48 سنة) تحصل على مبلغ 69 مليار دولار، الشيء اللي يقدر يخليها  أغنى امرأة في العالم. كما يمكن أن بيل غيتس ، المؤسس المشارك لشركة مايكروسوفت، اللي تبلغ قيمة ثروته حالياً 92.5 مليار دولار، يرجع أغنى شخص في العالم مرة أخرى بعد ما تفوق عليه Jeff Bezos ف 2017.

الخطأ ماشي دائما 404

ضروري سبق ليك شفتي هاد الأرقام 401 .404.501….هاد الأرقام هي رموز ديال حالة خطأ  كيأفيشيها السيرفر بعد إرسالك لطلب معين ولكن واش كتعرف المعنى ديال كل واحد فيهم ؟ Error 400 - طلب سيء السيرفر مفهمش الطلب ديالك نظرًا لوجود تركيب غير صحيح. غالبا هاد المشكلة كتكون بسبب  متصفح ويب جديد أو من سيرفر HTTP قديم. 401 ERROR - طلب غير مسموح طلب HTTP متطبقش لأنه كيتطلب تحديد هوية المستخدم، يعني هذا السيرفر أو  جزء منه محمي بكلمة مرور إذن خاصك تتأكد واش إسم المستخدم وكلمة المرور صحيحين. ERROR 403 - طلب ممنوع السيرفر HTTP فهم  الطلب ، ولكن كيرفض معالجته.عادة كيتستعمل هذا  الرمز ملي السيرفر مكيبغيش يشير إلى سبب رفض الطلب أو لأن المستخدم ممنوع عليه مشاهدة محتوى الملف أو الصفحة.  أحيانًا كيوقع هذا الخطا في حالة وجود عدد كبير جدًا من الاتصالات في نفس الوقت. ERROR 404 - طلب غير موجود و هذه لي كنصادفوها بزاف هاد رسالة  الخطأ كتظهر عند طلب موقع أو مجلد على سيرفر ولكن لا يمكن العثور عليه في عنوان URL المحدد. وهذا يعني أن عنوان URL اللي كتبتي غير صالح أو قديم أوتحذف فمرة . فهاد الحالة غالبا حاول تتأكد من العنوان URL لي كتبتي واش هوا هاداك ERROR 429 - طلبات كثيرة للغاية كيكون المستخدم أرسل عدد كبير من الطلبات في فترة زمنية محددة غالبا كيكون مع هذا الخطأ رسالة : ” يرجى إعادة المحاولة لاحقا ” مع الإشارة إلى مدة الانتظار قبل تقديم طلب جديد. ERROR 500 - خطأ داخلي في السيرفر حدوث حالة  أخطاء غير متوقعة بحث مقدرش السيرفر معالجة الطلب ديالك . على سبيل المثال ، قد يكون هذا الخطأ نتيجة لخطأ فال Configuration  أو معلومات تم الإستهلاك أو الحظر ديالها.

؟ Cci و Cc شنو المعنى و الفرق بين

في كل مرة كنجيو نكتبو شي ايمايل كنلقاو واحد الخانة ديال الى (to / À)، و على ليمن كاينة واحد cc و cci. آش كيعنيو هاد الحروف، و شنو الفرق بين cc و cci ؟ via GIPHY نبداو ب Cc لي كتعني النسخ الكربوني ( copie carbonée ) هاد الميزة كتستعمل ملي كنبغيو نسيفطو لبزاف د الناس نفس الميساج بلا ما نسيفطو لكل واحد بوحدو، و الدور ديالها فحال الورق الكربوني أي كتنسخ المحتوى حرفيا لگاع الناس.و لكن هاد الميزة فيها واحد المشكل صغير، شي مرات مكنبغيوش هادوك الناس لي سيفطنا ليهم، يعرفو بلي سيفطنا نفس الميساج لناس آخرين، أو منين كيكونو عندنا شي إيمايلات خاصة د شي ناس، مكنبغيوهمش يطلعو لآخرين. via GIPHY هادشي علاش البريد الالكتروني كيعطيك واحد الخيار سميتو Cci: copie carbonée invisible يعني النسخ الكربوني اللامرئي، لي كيمكن ليك تعمر الخانة ديالو فعوض ما تعمر الخانة د To او Cc بشحال ما بغيتي ديال المرسل اليهم. هاد الميزة ديال النسخ اللامرئي كتمكنك من ارسال الرسالة ، بلا ما تطلع ديك الجريدة د الناس لأي واحد تلقى الميساج. و هكذا مكيعرف حتى واحد لمن سيفطتي من غيرو هاداك الميساج. via GIPHY

! Red Dead Online يمكن ليكم من دابا تجربوا

حددت Rockstar Games  أخيرا تواريخ إصدار النسخة التجريبية (bêta) ل Red Dead Online.في الوقت لي غادي يستافدوا بعض اللاعبين من ساعات طويلة من المتعة و الألعاب الفردية، بزاف ديال gamers  كانوا كيستناو هاد الاصدار بفارغ الصبر. فحال GTAV، الاسم ديال روكستار حطم أرقام قياسية بزاف ديال المبيعات و الانطلاق ديالها فالأونلاين  يقدر يكون من الخطوات الأخيرة نحو النجاح الأبدي.بالنسبة للمحتوى ، استوديوهات التطوير متعمقاتش في التفاصيل و مميزات هاد الإصدار الجديد . لحد الساعة ، علنوا عن تجربة فحال ديال مود solo، ولكن مع الأصدقاء. غادي يكون ممكن تكوين مجموعات كتوصل ل 7 لاعبين فألعاب فحال معارك عصابات ، صيد السمك ، تتبع الحيوانات ، البحث عن الكنز… إلخهاد الإصدار التجريبي، غادي يخلي اللاعبين يجربوا مود أونلاين و يكتشفوا و يلاحظوا الأخطاء و المشاكل التقنية و الفنية الأولية ديال الاستيوهات، هادشي لي كتسهلوا المنصة الجديدة سهلة الاستخدام اللي كتمكن من رصد و جمع ردود أفعال اللاعبين فقاعدة بيانات بهدف تطوير  مود أونلاين، اللي لحد الان مازال ما تعلن أي تاريخ أو موعد محدد ليه.النسخة التجريبية غادي تكون متوفرة  ف Xbox One و PlayStation 4 ابتداء من :الثلاثاء 27 نوفمبر في الساعة 14:30، لجميع مالكي الإصدار النهائيالأربعاء 28 نوفمبر في تمام الساعة 14:30، للناس  اللي لعبوا يوم 26 أكتوبر ، يوم إصدار اللعبة.الخميس 29 نوفمبر في تمام الساعة 14:30، للناس اللي  لعبوا بين 27 أكتوبر و 29 أكتوبر.الجمعة 30 نوفمبر في تمام الساعة 14:30، لجميع مالكي Red Dead Redemption 2.طريقة استوديو روكستار مفهومة و ساهلة ، فهو كيكافئ اللاعبين الأكثر ولاءً و الأكثر وفاء : الناس اللي كانوا سباقين باش يشريو اللعبة قبل ما يشوفوا  أي لمحات حقيقية أو يقراو التعليقات و الأراء ديال اللاعبين الأخرين عليها و في نفس الوقت الهدف من هاد الخطة هو تخفيض عدد اللاعبين على serveurs وضمان بعض الاستقرار في هاذ الأسبوع  الأول ديال الإصدار. 

ستريمر جمع أكثر من مليون يورو لجمعية أطباء بلا حدود

من 2016،  ZeratoR المشهور كينظم كل عام برنامج Z Event السنوي، واللي هو عبارة عن سباق ماراثون اللي كيكونوا فيه بزاف د المنصات مباشرة د الألعاب على Twitch، باش يجمعو التبرعات لمؤسسة خيرية. Z Event فريق 40 من مشاهير ألعاب الفيديو (streamers) الفرنسيين  تشاركوا ساعة من البث المباشر ديال اللعب والأنشطة المختلفة في غرفة ألعاب  في مونبلييه ولعبوا مجموعين ألعاب فحال Legends of Legends ، Fortnite ، Dota 2 ، PUBG و Heatstone الي كانت مباشرة على قنواتهم الخاصة وتبعها أكثر من 190ألف شخص . من خلال  التبرعات ديال المشاركين و المتتبعين و مبيعات التيشيرتات ديال الحدث و بالرغم من تعب اللاعبين قدرات مبادرة أدريان نوغاريت ،انها تجمع 083 646 1 يورو لجمعية أطباء بلا حدود ، الي كتقدم المساعدة الطبية الطارئة في حالات ديال النزاع المسلح ، الكوارث الطبيعية ، الأوبئة و حتى المجاعات . هاد الحدث، بالإضافة لمبادرات أخرى كيبين أن مجتمع عشاق ألعاب الفيديو قوي، مسالم، متعاون، إنساني و معطاء، و قادر يعاون الإنسانية بطريقتو الخاصة من خلال الحب و الشغف ديالو لهاد الألعاب ومستعد أنه يبدل النظرة السيئة اللي عند أغلبية الناس على هاد الألعاب. 

! أخيرا في المغرب Spotify

من بعد سنين ديال الحرمان والمعاناة ، هادي شي 9 أشهر Spotify  علنات  بلي دخلات لأفريقيا و المغاربة نشطو و فرحو ! الله على راحة ، صافي مشا ديزر Dezzer  و انغامي Anghami وحتا يوتوب Youtube ، و أخييرا غنتهناو من الحلول الترقيعية ديال  VPN و الكونطات ديال على برا. و لكن الصدمة كانت قوية… قالك أسيدي لا ماشي المغرب ، كنا داويين غير على جنوب إفريقيا.  "Spotify is currently not available in your country" البارح الثلاثاء 13 نونبر 2018 حن علينا الله وعلنات الشركة  رسميا أن خدمة بث الموسيقى Spotify غادي تكون متوفرة قريبا ف 13 دولة من شمال أفريقيا والشرق الأوسط منها المغرب وتونس والمملكة العربية السعودية والإمارات العربية المتحدة. via GIPHY بزاف ديال المستخدمين كيتوقعوا أن ثمن الإشتراك غادي يكون ناقص باش يتناسب مع القوة الشرائية فهاد الدول، حسب Digital Music News اشتراك Spotify Premium غادي يكون فحوالي 5 دولارات،عوضا عن 10 دولارات في أوروبا والولايات المتحدة.