fbpx

؟ Nerd و L’Geek شنو هو الفرق بين

أولا و باش نكونو متفاهمين أي تشابه في الأحداث أو الشخصيات أو الأسماء هو من قبيل الصدفة لا أكثر, بلييييز بلا شوهة.

و دابا ندوزو للمعقول , شنو هو يا ترى الفرق بين L’Geek و  Nerd ؟

: الهوايات

L’Geek هوداك الصديق لي نهار و ما طال و هو تيهضر على ل Manga و الفرق الشاسع بين Playstation و Xbox (واش بصح كاين شي فرق؟)

اما السي ال Nerd تتلقاه تيلعب داكشي نيييفو : السودوكو والشطرنج و ما جاورهما.

: المطالعة

L’Geek تيقرا ل Ebooks و Ibooks. اما ا Nerd تيقرا كلشي, قسيم بالله واخا يلقى حتا كرطونة ديال الدوا يقراها.

: الطبع

L’Geek تيكون شوية مفروح وضارب الدنيا بركلة, أهم حاجة عندو هي الميدان اللي مهوس بيه وغالبا تتلقاه اجتماعي.
آما  Nerd تيكون داخل سوق راسو, حشومي و قرااااي.

: التواصل

L’Geek  ديما منين تيكون تايعاود ليك شي حاجة تيعطيك شي ميتال من شي فيلم او سيري. اما ال Nerd تيستعمل كلمات تقنية علمية معقد ة تيسحابليك أينشطاين واقف قدامك و طبعا في الغالب مكتفهم منو والو.

: الملابس

L’Geek هاد السيد تتلقاه عندو سروال واحد فراس مالو ولكن شي 5000 تيشرت على اقل تقدير.
Nerd ديما لابس كلاس بقالو هير الكرافاطا و نديرولو شي عراسية مولاتي.

ولكن هادشي كامل متيلغيش كون كل واحد فيه Geek و  Nerd في نفس الوقت و لكن بنسب مختلفة.

Amina TAREK MANSOUR, rédactrice anglophone passionnée par le voyage et le marketing digital.